Нацыянальная бібліятэка Беларусі актыўна супрацоўнічае ў галіне міжнароднага дакументаабмену з буйнымі замежнымі нацыянальнымі, акадэмічнымі, універсітэцкімі, публічнымі і іншымі бібліятэкамі. Гэта дазваляе забяспечыць чытачам доступ да сучасных сусветных інфармацыйных рэсурсаў. Больш за 150 бібліятэк з 45 краін з'яўляюцца партнёрамі Нацыянальнай бібліятэкі па міжнародным дакументаабмене, расказала загадчыца аддзела камплектавання фондаў Юлія Пераверзева:
У апошняе дзесяцігоддзе заўважаная тэндэнцыя да скарачэння дакументаабмену, больш выгадным становіцца абмен электроннымі варыянтамі выданняў або падпіска на базы даных. Нацыянальная бібліятэка імкнецца зрабіць даступнымі базы даных буйнейшых бібліятэк свету, цэнтралізавана закупляе інфармацыйныя рэсурсы і прапануе іншым бібліятэкам краіны.
Цяпер час супрацоўнікі аддзела займаюцца цэнтралізаваным камплектаваннем сістэмы фондаў і калекцый Нацыянальнай бібліятэкі ўсімі відамі айчынных і замежных выданняў. Аб'ём штогадовых паступленняў дакументаў складае каля 250 тысяч экзэмпляраў на 56 мовах свету.
У фонды бібліятэкі ад шматлікіх партнёраў у якасці падарункаў пастаянна паступаюць новыя дакументы. З імі чытачы могуць пазнаёміцца на выставе новых паступленняў. Там прадстаўлена друкаваная прадукцыя па ўсіх галінах ведаў. Дакументы экспануюцца ў рэжыме адкрытага доступу. Змена экспазіцыі ажыццяўляецца 1 раз на тры тыдні. У чытальнай зале забяспечаны доступ да электронных інфармацыйных рэсурсаў.
FM-nadajniki i częstotliwości:
Rakitnica - 106.2 MHz
Grodno - 95.7 MHz
Świsłocz - 104.4 MHz
Geraniony - 99.9 MHz
Brasław - 106.6 MHz
Miadzioł - 102.0 MHz
