Беларусь – Каталонія: патэнцыял супрацоўніцтва (аўдыя)

Новыя вектары узаемадзеяння Беларусі і Каталоніі абмеркавалі на сустрэчы ў Нацыянальным цэнтры маркетынгу МЗС Беларусі. Яго дырэктар Валерый Садоха адзначыў, што ёсць добры патэнцыял у супрацоўніцтве як для беларускіх, так і каталонскіх кампаній. Між тым, асаблівая цікавасць у замежных гасцей да беларускай сельскагаспадарчай тэхнікі.

Вывучэнне магчымасці паставак прадукцыі на беларускі рынак, а таксама стварэння сумесных прадпрыемстваў для выпуску прадукцыі – галоўныя мэты візіту каталонскай дэлегацыі. Расказвае намеснік міністра сельскай гаспадаркі, жывёлагадоўлі, рыбнай лоўлі і харчавання Кармэл Мадол і Брысолі.

Іспанія - вырабнік якаснага аліўкавага алею. Партнёра ў гэтым сегменце шукае Гомельскі тлушчавы камбінат. Першы намеснік дырэктара прадпрыемства Ігар Мажанаў адзначае, што магутнасці завода дазваляюць вырабляць прадукцыю на экспарт.

Каталонскія бізнесмены падчас візіту ў Беларусь наведалі Мінскі трактарны завод і Мінскі завод пеністых він. Сваім бачаннем перспектыў супрацоўніцтва падзяліўся і Ганаровы консул Рэспублікі Беларусь у горадзе Барселона Хрысціян Балсэлс Навара.

Сёння ключавыя пазіцыі беларускага экспарту ў Іспанію - мэбля, шкловалакно, льняныя тканіны, будаўнічыя канструкцыі. З Іспаніі пастаўляюцца садавіна, металаканструкцыі, лекі, гародніна, віна і іншая прадукцыя.