Міністры замежных спраў Беларусі і Таджыкістана адзначаюць высокі ўзровень узаемадзеяння дзвюх краін.

       Міністры замежных спраў Беларусі і Таджыкістана Уладзімір Макей і Хамрахон Зарыфі на  сустрэчы ў Ашхабадзе адзначылі высокі ўзровень узаемадзеяння дзвюх краін. Паводле слоў Уладзіміра Макея, сустрэча кіраўнікоў дзяржаў падчас афіцыйнага візіту Прэзідэнта Беларусі ў Таджыкістан у кастрычніку 2011 года паслужыла дадатковым імпульсам для актывізацыі двухбаковага гандлёва-эканамічнага супрацоўніцтва. Няма праблем і ва ўзаемадзеянні на міжнароднай арэне, - адзначыў Уладзімір Макей. Хамрахон Зарыфі канстатаваў, што двухбаковыя адносіны Беларусі і Таджыкістана складваюцца досыць паспяхова. Паміж краінамі дасягнуты сур'ёзныя дамоўленасці як у сферы палітычнага, так і эканамічнага супрацоўніцтва, рэалізацыя якіх дазволіць вывесці беларуска-таджыкскія адносіны на яшчэ больш высокі ўзровень.