МВФ вывучае магчымасць рэалізацыі новай праграмы ў Беларусі.

        Місія Міжнароднага валютнага фонду, якая працуе ў Беларусі, правяла сустрэчу з кіраўніцтвам Банка развіцця. Як плануецца, Банк з наступнага года стане адзіным каналам выдачы крэдытаў для новых інвестпраектаў у рамках дзяржпраграм. Абмеркавана таксама перадача Нацыянальнаму банку функцый мегарэгулятора фінансавага рынку і нагляду за дзейнасцю Банка развіцця. Па словах кіраўніка місіі МВФ Пітэра Долмана, важным кампанентам новай праграмы беларускага ўрада з МВФ будзе дырэктыўнае крэдытаванне.