Беларуская пісьменніца Святлана Алексіевіч стала лаўрэатам Нобелеўскай прэміі па літаратуры за 2015.

     Як паведамляе БелТа, беларуская пісьменніца Святлана Алексіевіч стала лаўрэатам Нобелеўскай прэміі па літаратуры за 2015.
      Яе пяру належаць мастацка-дакументальныя кнігі "У вайны не жаночы твар", "Цынкавыя хлопчыкі", "Чарнобыльская малітва" і іншыя творы.
      Кнігі Алексіевіч выдаваліся не толькі ў Беларусі, але і за мяжой - у ЗША, Германіі, Вялікабрытаніі, Швецыі, Францыі, Японіі, Кітаі, В'етнаме, Балгарыі, Індыі і інш. Усяго ў 19 краінах свету. Святлана Алексіевіч аўтар сцэнарыяў 21 дакументальнага фільма і трох тэатральных п'ес. Зараз завяршае работу над кнігай пад назвай «Цудоўны алень вечнага палявання".