Дні беларускай навукі прайшлі на сусветнай выставе "ЭКСПА-2015" у Мілане.

        Тут прэзентавалі перспектыўныя напрамкі навуковых даследаванняў. Таксама адбыліся дзелавыя перагаворы па сумесным вырашэнні навукова-тэхналагічных задач і камерцыялізацыі інавацыйных распрацовак у сферы аховы навакольнага асяроддзя, сельскай гаспадаркі, харчовай бяспекі і медыцыны. У сваім выступленні старшыня Дзяржаўнага камітэта па навуцы і тэхналогіях Аляксандр Шумілін адзначыў, што кожны год у Беларусі ствараюцца ад 3 да 5 інавацый сусветнага ўзроўню. У іх ліку - лячэнне стваловымі клеткамі, ДНК-тэхналогіі і іншыя. У інавацыйнай сферы краіна супрацоўнічае з больш чым 50 краінамі свету, з 37 дзяржавамі дзейнічаюць міжурадавыя і міжведамасныя пагадненні аб супрацоўніцтве ў навукова-тэхнічнай сферы.