Казахстан і Беларусь сёлета плануюць давесці аб'ём узаемнага гандлю да $ 1 млрд.

          Урадавая дэлегацыя Беларусі на чале з прэм'ер-міністрам Міхаілам Мясніковічам наведвае  Казахстан,  Бангладэш і Індыю. Падчас візіту ў Казахстан запланаваны сустрэчы Мясніковіча з прэзідэнтам і прэм’ер-міністрам гэтай краіны. Чакаецца, што Міхаіл Мясніковіч  наведае  сумеснае прадпрыемства «КазБелАЗ»,   міжнародны навукова-вытворчы холдынг “Фитохимия”.
         І ў працяг тэмы. Беларусь зацікаўлена ў падпісанні міжурадавага пагаднення з Казахстанам па пастаўках нафты. Пра гэта заявіў віцэ-прэм'ер нашай краіны Міхаіл Русы падчас пасяджэння казахстанска-беларускай міжурадавай камісіі па гандлёва-эканамічным супрацоўніцтве. Па яго словах, за кошт аднаўлення паставак вуглевадароднай сыравіны і нафтапрадуктаў для перапрацоўкі на беларускіх прадпрыемствах можа быць забяспечаны рост казахстанскага імпарту ў нашу краіну. Казахстан і Беларусь сёлета плануюць давесці аб'ём узаемнага гандлю да $ 1 млрд.