На беларускай мяжы з'явіцца электронная чарга

На беларускай мяжы з'явіцца электронная чарга. Адпаведны ўказ падпісаў Кіраўнік дзяржавы.

Дакумент дазволіць удасканаліць працэс пропуску праз дзяржмяжу фізічных асоб, аўтамабіляў і тавараў. Вадзіцелі змогуць загадзя забраніраваць час уезду ў пункт пропуску на спецыяльным электронным рэсурсе. Спасылка на гэты сайт ёсць на афіцыйным інтэрнэт-партале Дзяржпагранкамітэта. Тыя ж, хто не скарыстаецца паслугай, будуць перасякаць мяжу, як і раней, па жывой чарзе.

Нагадаем, раней электронная чарга ў прыгранічных пунктах пропуску дзейнічала ў тэставым рэжыме. Плануецца, што ў поўным аб'ёме сістэма пачне працаваць на працягу паўгода.