Прэзідэнт Індыі наведае з візітам Беларусь.

       Прэзідэнт Індыі Пранаб Мукерджы 2-4 чэрвеня наведае з візітам Беларусь, паведаміў пасол Індыі ў Беларусі Манодж Кумар Бхарці. Кіраўнік індыйскай дыпламатычнай місіі ўпэўнены, што па выніках візіту атрымаецца заключыць дамоўленасці, якія дазволяць выйсці на яшчэ больш высокі ўзровень узаемаадносін. Нагадаем, у красавіку Індыю з афіцыйным візітам наведаў міністр замежных спраў Беларусі Уладзімір Макей. Ён правёў перамовы з кіраўніцтвам буйных кампаній, гатовых супрацоўнічаць з Беларуссю. Акцэнт быў зроблены на нарошчванне паставак велікагрузных самазвалаў, беларускай сельскагаспадарчай і аўтамабільнай тэхнікі ў Індыю. Акрамя таго, абмеркавана стварэнне сумесных вытворчасцей аўтакампанентаў, прадуктаў харчавання. Індыйскім фармацэўтычным кампаніям прапанавана пашырыць сваю прысутнасць у Беларусі.