Фота: belta.by
Калегія Еўразійскай эканамічнай камісіі прыняла рашэнне знізіць да 0 працэнтаў стаўкі ўвазных мытных пошлін на асобныя віды сыравіны, якая мае каштоўныя металы і іх злучэнні, паведаміў БЕЛТА прадстаўнік гандлёвага блока ЕЭК Аляксей Ашыхмін.
"Рашэнне адобрана тэрмінам на 3 гады. Сёння адпаведныя пошліны складаюць ад 3 працэнтаў да 15 працэнтаў ад мытнага кошту", - растлумачыў Аляксей Ашыхмін.
На гэты час рынак каштоўных металаў у Еўразійскім эканамічным саюзе мае недастатковы запас крыніц сыравіны для загрузкі магутнасцей афінажных прадпрыемстваў. Прынятае рашэнне павінна павысіць узровень загрузкі вытворчасці ў дзяржавах - членах ЕАЭС, а таксама павялічыць падатковыя паступленні.
"Увядзенне тарыфнай меры будзе садзейнічаць укладанню інвестыцый у новыя тэхналогіі афінажнай і ювелірнай вытворчасці, на ахову працы і прамысловую бяспеку, а таксама ахову навакольнага асяроддзя", - пракаменціраваў прынятае рашэнне член Калегіі (міністр) па гандлі ЕЭК Андрэй Сляпнёў.
З улікам дэфіцыту сыравіны на ўнутраным рынку ЕАЭС стаўкі нулявых увазных мытных пошлін прымяняліся ўжо для некаторых відаў такіх тавараў у перыяд з 2 студзеня 2017 года па 31 снежня 2017 года і з 24 чэрвеня 2018 года па 30 чэрвеня 2020 года.
FM-Sender und –Frequenzen:
Rakitniza - 106.2 MHz
Grodna - 95.7 MHz
Swislatsch - 104.4 MHz
Geraneni - 99.9 MHz
Braslaŭ - 106.6 MHz
Mjadsel’ - 102.0 MHz
