Бангладэш выступае за беспадатковы і бяспошлінны гандаль з Беларуссю

Бангладэш выступае за беспадатковы і бяспошлінны гандаль з Беларуссю, паведаміла прэм'ер-міністр паўднёваазіяцкай дзяржавы Шэйх Хасіна. Паводле яе слоў, краіны бачаць значны патэнцыял двухбаковых адносін і пашырэння ўзаемавыгадных кантактаў у самых розных галінах. Шэйх Хасіна адзначыла, што партнёрства з Беларуссю таксама пасадзейнічае выкананню сумеснай інвестыцыйнай праграмы. Насельніцтва Бангладэш -  160 млн. чалавек, і сёння галоўная задача ўрада гэтай краіны -  выкараненне галечы. У планах - вывесці краіну са спісу бяднейшых да 2021 года. Шэйх Хасіна выказала ўпэўненасць, што супрацоўніцтва з Беларуссю будзе садзейнічаць выкананню гэтай праграмы.