Беларусь адкрыта для шырокага супрацоўніцтва з Аўстрыяй па ўсіх напрамках.

         Беларусь адкрыта для шырокага супрацоўніцтва з Аўстрыяй па ўсіх напрамках і гатова весці дыялог на самым высокім узроўні. Аб гэтым заявіў прэм'ер-міністр Міхаіл Мясніковіч на сустрэчы з кіраўніком палаты эканомікі Аўстрыі Крыстафам Ляйтлам, паведамляе БЕЛТА. Аўстрыя стабільна ўваходзіць у першую пяцёрку буйнейшых інвестараў у эканоміку Беларусі. Як адзначыў падчас сустрэчы Міхаіл Мясніковіч, у міждзяржаўных адносінах дзвюх краін склаліся пазітыўныя тэндэнцыі, паспяхова развіваецца і эканамічнае супрацоўніцтва. Паводле яго слоў, краіны маюць вялікі патэнцыял для далейшага развіцця ўзаемавыгаднага двухбаковага супрацоўніцтва ў многіх сферах. Пры гэтым была адзначана важнасць пошуку новых форм і магчымасцей для ўзаемадзеяння, якія садзейнічалі б нарошчванню двухбаковага гандлю, прыцягненню аўстрыйскіх тэхналогій у Беларусь.