Беларусь і Еўракамісія абмяркуюць спрашчэнне візавага рэжыму.

         Беларусь і Еўракамісія абмяркуюць спрашчэнне візавага рэжыму ў маі ў Мінску. Пра гэта ў эфіры тэлеканала " Беларусь 1" паведаміла намеснік міністра замежных спраў Алена Купчына. Яна ўзначальвала беларускую дэлегацыю на сустрэчы міністраў замежных спраў краін-членаў Вышаградскай групы і краін-удзельніц "Усходняга партнёрства", што прайшла 28-29 красавіка ў Будапешце. Па словах Алены Купчыной, "усе ўдзельнікі сустрэчы віталі гатоўнасць беларускіх улад працягнуць перамовы па заключэнні пагаднення паміж Беларуссю і Еўрасаюзам аб лібералізацыі візавага рэжыму і рэадмісіі". Таксама дыпламат адзначыла, што прынцыповым пытаннем беларускага боку быў "раўнапраўны недыскрымінацыйны ўдзел краін" Усходняга партнёрства "ва ўсіх без выключэння вымярэннях гэтай праграмы".