Дэлегацыю Беларусі на 68-й сесіі Генеральнай асамблеі ААН, якая пачала працу 17 верасня ў Нью-Ёрку ўзначаліць міністр замежных спраў Уладзімір Макей.
         Акрамя выступлення на агульнапалітычнай дыскусіі Генасамблеі Уладзімір Макей прыме ўдзел у шэрагу мерапрыемстваў высокага ўзроўню, уключаючы спецыяльнае пасяджэнне Генасамблеі, прысвечанае дасягненню Мэтаў развіцця тысячагоддзя, восьмую канферэнцыю па садзейнічанні ўступлення ў сілу Дагавора аб усёабдымнай забароне ядзерных выпрабаванняў, сустрэчу высокага ўзроўню Генасамблеі па ядзерным раззбраенні, сустрэчу міністраў замежных спраў Руху недалучэння.
        Уладзімір Макей таксама правядзе сустрэчы з кіраўнікамі знешнепалітычных ведамстваў і кіраўніцтвам ААН для абмеркавання пытанняў супрацоўніцтва ў двухбаковым і шматбаковым форматах.