Еўрапейскі інвестыцыйны банк прафінансуе два праекты ў Беларусі

Фота: belta.by

Еўрапейскі інвестыцыйны банк прафінансуе ў Беларусі два праекты - па рэканструкцыі трасы М7 Мінск - Вільнюс і па мадэрнізацыі сістэмы ачысткі вады, паведаміў журналістам віцэ-прэзідэнт Еўрапейскага інвестыцыйнага банка Вазіл Худак.

Гэта адзін з найбуйнейшых у свеце шматбаковых інвестыцыйных банкаў. Акцыянерны капітал сфарміраваны 28 краінамі - членамі Еўрасаюза. Каля 90% праектаў банк рэалізуе ўнутры ЕС, 10% - за яго межамі. Менш чым за два гады працы ЕІБ у Беларусі агульны аб'ём фінансавання даведзены да 335 млн еўра.