Першы Нацыянальны форум па ўстойлівым развіцці пройдзе ў Мінску

Фота: belta.by

Першы Нацыянальны форум па ўстойлівым развіцці пройдзе 24 студзеня ў Мінску. На мерапрыемстве, якое збярэ каля 400 чалавек, будзе прадстаўлены нацыянальны вопыт Беларусі па дасягненні Мэтаў устойлівага развіцця. Панэльныя дыскусіі пройдуць па некалькіх тэматычных напрамках — устойлівы эканамічны рост як ўмова забеспячэння высокага ўзроўню жыцця беларускага народа; гарантаванне экалагічнай бяспекі, захаванне і ўстойлівае выкарыстанне прыродных рэсурсаў; паляпшэнне якасці жыцця праз здароўе, запатрабаваную адукацыю, годную працу. Асаблівая ўвага будзе нададзена пытанням лічбавізацыі як драйвера эканамічнага росту.