Усе дзяржавы - члены МАГАТЭ павінны мець раўнапраўны доступ да магчымасцей і рэсурсаў Праграмы тэхнічнага супрацоўніцтва.

       Гэта заявіў у Вене на сесіі Савета кіраўнікоў МАГАТЭ намеснік міністра замежных спраў Беларусі Валянцін Рыбакоў. Беларусь, якая будуе першую ў краіне АЭС, актыўна задзейнічае праграму тэхнічнага супрацоўніцтва Агенцтва для развіцця патэнцыялу ў сферы ядзернай бяспекі, па навучанні кадраў для ядзернай энергетыкі. У структуры тэхнічнага супрацоўніцтва з Агенцтвам традыцыйна важнае месца таксама займаюць медыцынскія праекты і пытанні, звязаныя з пераадоленнем наступстваў чарнобыльскай аварыі.