Беларусь і Аргенціна падпісалі пагадненне аб узаемных бязвізавых паездках для грамадзян.

         У Мінску адбыліся беларуска-аргенцінскія кансультацыі паміж міністэрствамі замежных спраў. Беларускую дэлегацыю ўзначаліў намеснік Міністра замежных спраў Яўген Шастакоў, аргенцінскую – намеснік Міністра замежных спраў і культу Карлас Марыя Фарадоры. Падчас мерапрыемства бакі абмеркавалі сумесныя крокі па актывізацыі беларуска-аргенцінскіх стасункаў. Асноўная ўвага была нададзена пытанням далейшага развіцця двухбвковага дыялога ў палітычнай, гандлёва-эканамічнай, гуманітарнай сферах, а таксама ўзаемадзеяння ў межах міжнародных арганізацый.