Сумеснае пасяджэнне Савета міністраў замежных спраў, Савета міністраў абароны і Камітэта сакратароў саветаў бяспекі дзяржаў - членаў АДКБ праходзіць у Ерэване.

Ад беларускага боку ў мерапрыемстве прымаюць удзел міністр замежных спраў Беларусі Уладзімір Макей, міністр абароны Андрэй Раўкоў і дзяржаўны сакратар Савета бяспекі Беларусі Станіслаў Зась.

Бакі абмяркуюць парадак дня маючага адбыцца пасяджэння Савета калектыўнай бяспекі АДКБ і дакументы, якія выносяцца на сесію СКБ , а таксама прымуць рашэнне аб плане сумесных мерапрыемстваў аператыўнай і баявой падрыхтоўкі органаў упраўлення і фарміраванняў сіл і сродкаў сістэмы калектыўнай бяспекі АДКБ на наступны год. Як паведамлялася, усяго ў парадку дня пасяджэння Савета калектыўнай бяспекі АДКБ больш як 20 пытанняў.