Беларусь і Сербія абмеркавалі ўзаемадзеянне ў час старшынства Беларусі ў ЦЕІ ў 2017 годзе

Пытанні беларуска-сербскага ўзаемадзеяння ў час старшынства Беларусі ў Цэнтральнаеўрапейскай ініцыятыве (ЦЕІ) у 2017 годзе абмеркаваны 6 кастрычніка ў Бялградзе на кансультацыях паміж міністэрствамі замежных спраў Беларусі і Сербіі. Аб гэтым паведамілі ў прэс-службе МЗС.

Беларускую дэлегацыю на кансультацыях узначаліла намеснік міністра замежных спраў Алена Купчына, сербскую - намеснік міністра замежных спраў Драган Мамчылавіч. У кансультацыях з сербскага боку таксама прыняў удзел намеснік міністра замежных спраў Бранімір Філіпавіч. Бакі абмеркавалі шырокае кола пытанняў беларуска-сербскіх сувязей, уключаючы развіццё палітычных адносін паміж Беларуссю і Сербіяй, гандлёва-эканамічнага, навукова-тэхнічнага, культурнага і міжрэгіянальнага супрацоўніцтва, удасканаленне дагаворна-прававой базы двухбаковых адносін.

Разгледжаны таксама актуальныя праблемы міжнароднага парадку дня, пытанні ўзаемадзеяння Беларусі і Сербіі з ЕС, супрацоўніцтва ў міжнародных арганізацыях, уключаючы ААН, АБСЕ, ЮНЕСКА, а таксама аспекты міжнароднай і рэгіянальнай бяспекі.