Каля 300 арганізацый з 14 краін свету стануць удзельнікамі XXI Беларускага энергетычнага і экалагічнага форуму.

      Мерапрыемства пройдзе ў Мінску з 11 па 14 кастрычніка. Форум традыцыйна прыцягвае ўвагу вядучых вытворцаў абсталявання, тэхналогій і матэрыялаў для энергетыкі, экалогіі, энергазберажэння, электратэхнікі і з'яўляецца адным з самых буйных па гэтай тэматыцы ў краінах СНД і Балтыі. У 2016 годзе ў ім возьмуць удзел прадстаўнікі Беларусі, Расіі, Украіны, Літвы, Эстоніі, Польшчы, Чэхіі, Германіі, Аўстрыі, Швейцарыі, Францыі, Італіі, Фінляндыі, Швецыі. Тут будуць прадстаўлены вядучыя прадпрыемствы энергетычнай галіны Беларусі. Сярод удзельнікаў вядомыя сусветныя брэнды Siemens, ABB, Caterpillar, Wilo, Filter і інш.