Старажытны Полацк другі раз прымае Еўрапейскі тыдзень мабільнасці.

         Гэты беларускі горад першым у нашай краіне далучыўся да Пагаднення мэраў, якое прадугледжвае зніжэнне выкідаў вуглякіслага газу ў атмасферу да 2020 года на 20 працэнтаў. Таксама ў Полацку быў распрацаваны План устойлівай гарадской мабільнасці, які дапаможа палепшыць якасць транспартных паслуг. Зрэшты, першыя крокі ўжо зроблены – там адкрылася першая веладарожка. А ўсе жадаючыя – а гэта некалькі соцень чалавек – на выхадных паўдзельнічалі ў велапрабегу паміж Полацкам і Наваполацкам. Для аматараў здаровага ладу жыцця дзень завяршыўся велапікніком.