Арганізоўваць бязвізавыя паездкі беларусаў у Кітай будуць 25 турыстычных арганізацый.

        Спіс размешчаны на сайце Міністэрства спорту і турызму Беларусі.
Нагадаем, групы турыстаў у складзе пяці і больш чалавек, арганізаваныя гэтымі турыстычнымі кампаніямі, могуць уязджаць на тэрыторыю іншага боку без віз. Акрамя таго, з мінулага года кітайскія турысты могуць без віз уязджаць і знаходзіцца ў Беларусі да трох сутак. Такі парадак датычыцца грамадзян Кітайскай Народнай Рэспублікі, якія прыбываюць прамымі авіярэйсамі з Кітая пры наяўнасці ў пашпарце дзеючай візы дзяржаў - членаў Еўрапейскага саюза або дзяржаў - удзельніц Шэнгенскай зоны.