У Мінску прагучыць скрыпка Страдывары.

         Выступаць будзе нямецкая скрыпачка Вівіан Хагнер. Канцэрт пройдзе ў кастрычніку і стане часткай Міжнароднага фестывалю Юрыя Башмета. На канцэрце ў Мінску артыстка з Германіі будзе выступаць у суправаджэнні міжнароднага камернага аркестра East-West Chamber Orchestra. У яго ўваходзяць лаўрэаты самых прэстыжных у свеце міжнародных конкурсаў, канцэртмайстры вядучых калектываў, таленавітыя выканаўцы з Беларусі, Расіі, Літвы, Германіі і іншых краін Заходняй і Усходняй Еўропы.