У Беларусі паляпшаюць умовы для адпачынку аўтатурыстаў.

фота: www.abw.by

         Размова пра ўзвядзенне новых стаянак для кемпінгаў, а таксама паляпшэнне ўмоў для адпачынку караванераў. Аб’екты абсталююць сістэмамі для забору вады і прыладамі зарадкі акумулятараў. Ствараць будуць прыкладна па 10 пляцовак штогод. Нагадаю, у маі адбыўся міжнародны злёт караванераў, які паказаў, што жадаючых адпачыць на прасторах Беларусі нямала.  Развіццё атрымае і прыдарожны сэрвіс. Сёння на 30 кіламетраў аўтадарог у Беларусі прыпадае мінімум адзін аб’ект грамадскага харчавання - гэта сусветны стандарт. Усяго іх больш за паўтысячы, таму акцэнт з павелічэння колькасці зрушыўся на павышэнне якасці сэрвісу.
Пакуль гэта ўся інфармацыя. Пра іншыя актуальныя падзеі Радыё Беларусь раскажа ў сярэдзіне гадзіны.