Мемарандум аб узаемаразуменні паміж "Белэнерга" і славенскай кампаніяй "Рыка" падпісаны ў Любляне

Мемарандум аб узаемаразуменні паміж "Белэнерга" і славенскай кампаніяй "Рыка" аб перспектыўным супрацоўніцтве пры рэалізацыі праектаў у галіне электраэнергетыкі ў Беларусі, Славеніі і трэціх краінах падпісаны ў Любляне. Тут прайшло пасяджэнне міжурадавай беларуска-славенскай камісіі па гандлёва-эканамічным і навукова-тэхнічным супрацоўніцтве. Абмеркавана таксама ўзаемадзеянне ў сферах сельскай гаспадаркі, энергетыкі, прамысловасці, транспарту, інавацый, турызму і адукацыі. Адбыўся беларуска-славенскі бізнес-форум.