Пасол Беларусі ў Францыі Павел Латушка прапануе пашыраць супрацоўніцтва дзвюх краін за кошт інвестыцый і выхаду на рынкі з новымі таварамі.

     www.belta.by

             Гэта дыпламат паведаміў у эфіры тэлеканала "Беларусь 1". Двухбаковы тавараабарот мае патэнцыял для павелічэння, а ўзаемадзеянне можа быць пашырана. Акрамя таго, у Беларусі вялікі вопыт у будаўнічай сферы, і гэтыя веды запатрабаваны ў Францыі. Напрыклад, ёсць цікавасць да драўляных загарадных дамоў, якія ўзводзіць беларуская прыватная фірма. Пашыраць супрацоўніцтва мяркуецца ў такіх сферах, як дрэваапрацоўка, банкаўская справа, сельская гаспадарка і турызм. Нагадаем, у Парыжы праходзіць беларуска-французскі дзелавы тыдзень. Адбыліся перамовы прадстаўнікоў буйных беларускіх прадпрыемстваў з патэнцыяльнымі французскімі партнёрамі, зацікаўленымі ў экспарце беларускай прадукцыі на рынкі Францыі і краін Заходняй Афрыкі.