Больш за 100 прадстаўнікоў бізнесу і мясцовага самакіравання з Літвы возьмуць удзел у XII-Беларуска-літоўскім эканамічным форуме ў Лідзе.

          Асноўнымі тэмамі форуму стануць гандлёва-эканамічнае і інвестыцыйнае супрацоўніцтва краін, перш за ўсё, у сферах сельскай гаспадаркі, транспарту і турызму. Гродзенская вобласць прадставіць ўзоры сельскагаспадарчай тэхнікі, якую вырабляюць прадпрыемствы рэгіёну. Літоўскі бок выказвае зацікаўленасць у яе набыцці. Таксама на форуме будзе прадстаўлены турыстычны патэнцыял вобласці - санаторыі рэгіёну, Аўгустоўскі канал, магчымасці актыўнага і медыцынскага турызму.