Беларусь працягвае весці перамовы з Міжнародным валютным фондам аб пачатку новай праграмы.

          Пра гэта паведаміў намеснік старшыні праўлення Нацыянальнага банка Дзмітрый Лапко. З МВФ Мінск абмяркоўвае магчымасць рэалізацыі трохгадовай праграмы супрацоўніцтва, якая была б падтрымана крэдытам 3 млрд долараў на 10 гадоў. Рэкамендацыі фонда кіраўніцтву Беларусі былі агучаны раней. Гэта лібералізацыя цэн, адмена перакрыжаванага субсідзіравання, узважаная крэдытна-грашовая палітыка, крэдытаванне прадпрыемстваў на роўных умовах, стварэнне сістэмы адраснай сацыяльнай дапамогі, прыватызацыя.