Гальшанскі замак запрашае на фестываль сярэдневяковай культуры.

          21 мая Гальшаны сёмы раз прымуць гасцей мерапрыемства з Беларусі і з краін блізкага замежжа. Аматары ваеннай тэматыкі акунуцца ў атмасферу сапраўднага сярэдневечнага рыцарскага стану, змогуць паглядзець паядынкі коннага турніру, адзіночныя бітвы рыцараў і сценка на сценку. Традыцыйнымі сталі турніры лучнікаў. Усіх жадаючых далучаць да сярэдневяковых адзінаборстваў. А ў горадзе майстроў навучаць чаканіць манеты і хадзіць на хадулях. У культурную праграму ўключаны майстар-класы па сярэдневяковых танцах у аўтэнтычным музычным суправаджэнні. Ад замка будуць стартаваць і экскурсіі па незвычайных і таямнічых мясцінах Гальшанаў.