У Каіры сёння пачнецца трэцяе пасяджэнне Беларуска-Егіпецкай гандлёвай камісіі.

         Плануюцца сустрэчы міністра гандлю нашай краіны Уладзіміра Калтовіча з прэм'ер-міністрам Егіпта Шэрыфам Ісмаілам, старшынямі Федэрацыі егіпецкіх гандлёвых палат і Егіпецкага савета ўстойлівага развіцця. Адбудзецца беларуска-егіпецкі бізнес-форум.
       Нацыянальная акадэмія навук Беларусі і вядучы еўрапейскі канцэрн AIRBUS абмяркуюць на тыдні ў Мінску перспектывы супрацоўніцтва. Ўзначаліць дэлегацыю віцэ-прэзідэнт авіябудаўнічага канцэрна па рэгіёне Усходняй Еўропы Жак Гарыг. Мэта візіту – перагаворы аб напрамках і механізмах супрацоўніцтва ў галіне беспілотных авіяцыйных комплексаў і касмічных тэхналогій.