Незвычайны эксперымент праходзіць у Белавежскай пушчы.

фота: www.interfax.by

        У нацыянальным парку беларускія і еўрапейскія навукоўцы вывучаюць звычкі і жыццё ваўкоў. У працы выкарыстоўваюць сучасныя тэхналогіі - радыёашыйнікі і фотапасткі. Такое дэталёвае даследаванне папуляцыі ваўкоў у Беларусі праводзіцца ўпершыню. Гэта частка Міжнароднай прыродаахоўнай праграмы ў падтрымку запаведнасці. Яе ўдзельнікі  - спецыялісты Белавежскай пушчы, арганізацыі "Ахова птушак Бацькаўшчыны" і Франкфурцкага заалагічнага таварыства. Плюс такіх назіранняў у тым, што звер знаходзіцца ў прыродных умовах і не адчувае праследаванне чалавека. Такім жа спосабам спецыялісты плануюць даследаваць і жыццё чырванакніжнай рысі.