Чэхія адзначае ўзважаную палітыку Беларусі ў адносінах да гандлёвых партнёраў у еўрапейскім рэгіёне

фота: www.sb.by

  Чэхія адзначае ўзважаную палітыку Беларусі ў адносінах да гандлёвых партнёраў у еўрапейскім рэгіёне, - стала вядома па выніках сустрэчы пасла Беларусі Валерыя Курдзюкова з міністрам прамысловасці і гандлю Чэхіі Янам Младэкам. Міністр заявіў аб падтрымцы эканамічнага супрацоўніцтва з Беларуссю на агульнадзяржаўным узроўні і на ўзроўні рэгіёнаў. Дасягнуты дамоўленасці аб сумеснай арганізацыі традыцыйных дзён бізнесу Беларусі на міжнароднай машынабудаўнічай выставе ў Брно. Акрамя таго, бакі абмеркавалі вынікі эканамічнага супрацоўніцтва, глабальныя эканамічныя і палітычныя фактары, якія ўплываюць на ўзаемны гандаль.