Віртуальную экскурсію па музеях Ватыкана прапануюць у Мінску.

   фото: www.belta.by     

   Паказы фільма "Музеі Ватыкана 3D" пройдуць у кінатэатры "Цэнтральны" 25 і 26 снежня. Мінчане і госці сталіцы змогуць азнаёміцца з работамі з мастацкай калекцыі Пап Рымскіх за 500 гадоў. Яны ўбачаць скульптуры Мікеланджэла Буанароці і Лучо Фантана, карціны Леанарда Да Вінчы і Мерызі да Караваджа, Ван Гога, Марка Шагала і Сальвадора Далі, фрэскі Рафаэля і неверагодныя творы Мікеланджэла ў Сікстынскай капэле. Падарожжа пройдзе пад кіраўніцтвам дырэктара музеяў Ватыкана, прафесара Антоніа Паолучы.