Ганаровае консульства Беларусі будзе адкрыта ў французскім Ліёне.

       Ганаровае консульства Беларусі ў Ліёне, якое стане першым у рэгіёнах Францыі, будзе адкрыта ў снежні. Пасол нашай краіны ў Францыі Павел Латушка абмеркаваў развіццё супрацоўніцтва Беларусі з адным з найбуйнейшых французскіх гарадоў, размешчаным у рэгіёне Рона-Альпы, у тым ліку, гаворка ішла аб падрыхтоўцы прэзентацыі магчымасцей гандлёва-эканамічнага і інвестыцыйнага супрацоўніцтва з нашай крінай для французскіх прадпрыемстваў. Павел Латушка таксама сустрэўся з прадстаўнікамі беларускай дыяспары. У цэнтры ўвагі было правядзенне Дзён беларускай культуры ў Ліёне ў наступным красавіку.