Бразільскі бок вывучае магчымасць стварэння ў Беларусі цэнтра абслугоўвання самалётаў Embraer.

          Пра гэта паведаміў намеснік старшыні Палаты дэпутатаў Нацыянальнага кангрэса Бразіліі Фернанду Лусіу Жыакобу. Гаворка ідзе пра самалёты, якія Беларусь купляе ў Бразіліі, аднак у перспектыве не выключаецца і арганізацыя зборачнай вытворчасці. На думку Фернанду Лусіу Жыакобу, павелічэнне тавараабароту, а таксама развіццё супрацоўніцтва па абмене тэхналогіямі з'яўляюцца вельмі важнымі і ўяўляюць цікавасць для абодвух бакоў. Нагадаем, у гэтыя дні Мінск наведвае парламенцкая дэлегацыя Бразіліі.