У Мінску пройдзе міжнародная канферэнцыя ЮНІСЕФ высокага ўзроўню

Па ініцыятыве Беларусі ў Мінску пройдзе міжнародная канферэнцыя ЮНІСЕФ высокага ўзроўню для краін Цэнтральнай, Усходняй Еўропы і краін СНД "Умацаванне нацыянальных механізмаў у сферы абароны дзяцей ад нядбайнага, жорсткага абыходжання, насілля і эксплуатацыі". Пра гэта паведаміў прэс-сакратар МЗС Беларусі Дзмітрый Мірончык.

Як чакаецца, для ўдзелу ў форуме прыедзе дырэктар Рэгіянальнага бюро Дзіцячага фонду ААН для краін Цэнтральнай, Усходняй Еўропы і краін СНД Мары-П'ер Пуар'е.