Маладзечна зноў стаў сталіцай Нацыянальнага фестывалю беларускай песні і паэзіі

         Маладзечна зноў стаў сталіцай Нацыянальнага фестывалю беларускай песні і паэзіі, - паведамляе БЕЛТА. Да свята Нацыянальны акадэмічны канцэртны аркестр пад кіраўніцтвам народнага артыста Беларусі Міхаіла Фінберга падрыхтаваў праграму "70 гадоў Перамогі". Адна з галоўных падзей фестывалю - конкурс маладых выканаўцаў беларускай эстраднай песні "Маладзечна-2014". Завершыцца свята гала-канцэртам "45 гадоў - усё толькі пачынаецца" да юбілею ансамбля "Песняры". Нацыянальны фестываль беларускай песні і паэзіі "Маладзечна" - адзін з пяці буйнейшых форумаў, якія вызначаюць культурнае аблічча сучаснай Беларусі. Упершыню форум прайшоў у 1993 годзе. Яго ідэя - далучэнне да нацыянальных каштоўнасцей беларускай культуры, роднай мовы, папулярызацыя твораў беларускіх кампазітараў і паэтаў, адкрыццё новых імён.