Беларусь і Расія могуць у бліжэйшы час падпісаць нафтавы баланс на 2014 год, - паведамілі ў беларускім Урадзе. Аб'ёмы паставак нафты ўзгоднены на ўсіх неабходных узроўнях па выніках перамоў Беларусі і Расіі. Так, усяго будзе пастаўлена 23 млн т нафты, з іх 21,5 млн т - трубаправодным транспартам. Гэта дасць магчымасць спакойна рэалізоўваць стратэгію развіцця нашага нафтавага сектара, лічбы зыходзяць з планаў сацыяльна-эканамічнага развіцця краіны на 2014 год.