Выстава ілюстрацый да твораў выдатнага паэта і грамадскага дзеяча, класіка айчыннай літаратуры Максіма Танка, якая зараз працуе ў Нацыянальнай бібліятэцы Беларусі, праз тыдзень адправіцца ў Парыж. На выставе можна ўбачыць каля 60 графічных работ вядомых беларускіх мастакоў, а таксама ілюстрацыі літоўскіх, малдаўскіх і ўкраінскіх аўтараў. Работы да 100-годдзя з дня нараджэння Максіма Танка выкананы ў розны час.
        А ў Мінску адкрыліся «Танкаўскія чытанні».
Міжнародная навуковая канферэнцыя сабрала больш за 70 удзельнікаў - літаратуразнаўцы, культуролагі і педагогі прыехалі не толькі з нашай краіны, але і з Ірака, Азербайджана, Расіі і Літвы.