Фота: belta.by

Беларусь прадставіць нацыянальную экспазіцыю на VIII Пекінскай міжнароднай біенале, паведамляе БЕЛТА. Гэта будуць 25 работ беларускіх мастакоў і скульптараў, выкананых у лепшых традыцыях акадэмічнай школы беларускага выяўленчага мастацтва з апорай на аўтэнтычныя традыцыі народнай культуры і з улікам найноўшых тэндэнцый сучаснага мастацтва. Гледачы змогуць убачыць як шырокую стылявую панараму, так і розныя пакаленні беларускага мастацтва. Пекінская міжнародная мастацкая біенале з'яўляецца адным з найбуйнейшых у свеце культурных форумаў і пляцовак па куплі-продажы твораў мастацтва.