Фота: belta.by

Вялікабрытанія зацікаўлена ў вывучэнні вопыту Беларусі па развіцці IT-галіны. Гэта ў эфіры тэлеканала АНТ заявіў дырэктар Парку высокіх тэхналогій Усевалад Янчэўскі. Беларускія распрацоўкі паказалі міністру знешняга гандлю Вялікабрытаніі Джорджу Холінгберы. Ён прыехаў у Беларусь, каб абмеркаваць новыя напрамкі супрацоўніцтва ў сферы IT. Для кампаній парку Вялікабрытанія - вельмі важны рынак. З гэтай краінай цесна супрацоўнічаюць каля 70 рэзідэнтаў ПВТ. Летась на экспарце высокіх тэхналогій у Злучанае Каралеўства яны зарабілі амаль $130 млн.