Фота: minsk2019.by

Адзін дзень застаўся да цырымоніі адкрыцця II Еўрапейскіх гульняў. На стадыёне "Дынама" працягваецца падрыхтоўка да цырымоніі адкрыцця. Напярэдадні вечарам прайшоў генеральны прагон з гледачамі. Сотні артыстаў, танцораў і валанцёраў-статыстаў, якія на час сталі дублёрамі атлетаў, ужо апрабавалі сцэну. На нізкім старце не толькі творчая каманда, але і тэхнічныя службы. Адпрацаваны ўсе сцэнарыі здымкі. Спецыялісты Белтэлерадыёкампаніі ў тандэме з хатнім вяшчальнікам забяспечаць бесперапынную трансляцыю ў фармаце высокай якасці.