Па ініцыятыве армянскага боку адбылася тэлефонная гутарка Прэзідэнтаў Беларусі і Арменіі. Армен Саркісян расказаў Аляксандру Лукашэнку аб сітуацыі ў краіне, пацвердзіўшы, што яна застаецца складанай. Абсалютна аднадушныя кіраўнікі дзяржаў у тым, што ў цяперашняй сітуацыі армянскі народ не можа сабе дазволіць парушэнне канстытуцыі, асабліва падчас фарміравання новага ўрада - усё павінна быць у рамках асноўнага закону. Прэзідэнты ўзгаднілі графік далейшых дзеянняў, дамовіўшыся працаваць у кантакце.