Міністэрства эканомікі у наступным годзе пачне распрацоўку канцэпцыі Нацыянальнай стратэгіі ўстойлівага развіцця да 2035 года.  Мяркуецца сфарміраваць сістэму індыкатараў для новай стратэгіі ўстойлівага развіцця як на нацыянальным, так і на рэгіянальным узроўні.  Таксама ў планах Міністэрства эканомікі на бліжэйшыя 5 гадоў - больш за 80 буйных інвест-праектаў на 30 мільярдаў долараў, прычым каля 16 мільярдаў з гэтай сумы - знешнія паступленні. Так, толькі Кітай зарэзерваваў для Беларусі 7 мільярдаў. Праекты павінны быць  запатрабаванымі і інавацыйнымі, забяспечыць рост ВУП. У цэлым, у бліжэйшыя гады чакаецца станоўчая дынаміка росту глабальнай эканомікі. Так, у Расіі - на 2-3%, Еўрасаюза - каля 2%. Супрацоўніцтва з імі - у прыярытэце.