25 год споўнілася з часу падпісання пагаднення аб утварэнні Садружнасці Незалежных Дзяржаў. Прэзідэнт Беларусі Аляксандр Лукашэнка накіраваў віншавальныя пасланні лідарам краін СНД. Кіраўнік дзяржавы адзначыў, што за чвэрць стагоддзя, абапіраючыся на прынцыпы павагі нацыянальных прыярытэтаў і свабоды волевыяўлення, Садружнасць сфарміравалася як сучасная рэгіянальная супольнасць, якая ўлічвае інтарэсы ўсіх. Аляксандр Лукашэнка акцэнтаваў увагу, што 16 верасня гэтага года прынята канцэптуальнае рашэнне аб адаптацыі СНД да сучасных рэалій, і яно вызначыла далейшыя шляхі яго развіцця.