Вярхоўны камісар ААН па справах бежанцаў Філіпа Грандзі можа наведаць Беларусь у 2017 годзе, заявіў  у эфіры тэлеканала АНТ прадстаўнік Упраўлення Вярхоўнага камісара ААН па справах бежанцаў у Беларусі Жан Іў Бушардзі. Па яго словах, візіт будзе спрыяць далучэнню нашай краіны да канвенцый ААН, што тычыцца асоб без грамадзянства. Беларусь традыцыйна прымае на сваёй тэрыторыі бежанцаў з розных краін. У сувязі з канфліктам ва ўсходняй Украіне, каля 160 тыс. грамадзян гэтай краіны прыехалі ў Беларусь. З іх прыкладна 2 тыс. чалавек звярнуліся за прадастаўленнем прыстанішча. Акрамя ўкраінцаў, прыязджаюць і грамадзяне Сірыі, якія таксама ратуюцца ад вайны і звяртаюцца за прыстанішчам. Жан Іў Бушардзі канстатаваў, што восенню пачалося даследаванне, мэта якога - высветліць узровень талерантнасці беларусаў да бежанцаў.