Паслы з краін ЕС наведаюць Беларусь на наступным тыдні.  Дэлегацыю ўзначаліць старшыня камітэта, пасол Вальтэр Стывенс. Падчас знаходжання ў Мінску ў цэнтры ўвагі дэлегацыі будуць стан і перспектывы адносін паміж Беларуссю і ЕС. Камітэт па палітыцы і бяспецы складаецца з паслоў краін ЕС, якія працуюць у Бруселі. Гэта пастаянная структура Савета Еўрапейскага саюза. Задача камітэта - сачыць за развіццём міжнароднай сітуацыі ў сферах, на якія распаўсюджваецца агульная знешняя палітыка і палітыка бяспекі Еўрасаюза, і інфармаваць Савет міністраў ЕС.