У Магілёве паселяцца львы. Пушкінскі мост, які злучае цэнтр горада і Задняпроўе, пасля рэканструкцыі ўпрыгожаць скульптуры львоў. Драпежнікаў стварае мясцовы скульптар Андрэй Вараб'ёў. Львоў будзе чатыры. Кожны памерам  ў два разы больш за сапраўднага - вышыня каля двух з паловай метраў, плюс больш за метр - пастаменты, дзе прымасціліся драпежнікі. У магілёўскіх львоў ёсць рэальны прататып - белы леў Джон, артыст цырка братоў Запашных.