Фота: www.belta.by

Беларусь ўпершыню правяла эканамічную прэзентацыю ў Партугаліі. Яна прайшла ў Школе бізнесу Порту, якая ўваходзіць у топ-50 вядучых бізнес-школ у свеце. У мерапрыемстве прынялі ўдзел каля 30 прадстаўнікоў дзелавых колаў гэтай краіны. На прэзентацыі абвясцілі аб стварэнні беларуска-партугальскай дзелавой платформы, якая будзе спрыяць абмену інфармацыяй аб магчымасцях гандлёва-эканамічнага і інвестыцыйнага супрацоўніцтва паміж дзвюма краінамі. Таксама восенню запланаваны візіт кіраўніцтва Школы бізнесу Порту і партугальскіх дзелавых колаў у Беларусь.